WASAFIRSHA DAWA ZA KULEVYA WAUAWA KWA KUPIGWA RISASI NCHINI INDONESIA
Waandishi wa vyombo mbalimbali vya habari wakichukua picha kutoka moja
ya magari ya wagonjwa lililobeba miili ya wauza dawa za kulevya raia wa
Australia, Myuran Sukumaran na Andrew Chan baada ya kuuawa kwa kupigwa
risasi baada ya kupatikana na hatia.
Serikali
ya Indonesia imetekeleza hukumu ya kuuawa kwa kupigwa risasi hadi kufa
wasafirishaji nane wa dawa za kulevya baada ya kupatikana na hatia ya
kuingiza dawa hizo nchini humo hivyo kuhukumiwa adhabu ya kifo licha ya
mataifa mbalimbali ulimwenguni kuitaka Indonesia kutotimiza adhabu
hiyo.
Hata
hivyo Rais wa nchi hiyo, Joko Widodo amechelewesha kuuawa kwa mfungwa
wa tisa ambaye ni raia wa Ufilipino, Mary Jane Veloso baada ya mwanamke
mmoja kujitokeza na kujisalimisha polisi nchini Philipines akisema yeye
ndiye aliyemuhadaa Mary kubeba dawa za kulevya na kupeleka nchini
Indonesia ambako alikamatwa.
