CCM Mbeya yakiri na kukubali kupoteza majimbo 4 na halmashauri mbili.

Chama cha mapinduzi mkoani Mbeya kimekiri na kukubali kupoteza majimbo manne ya uchaguzi na halmashauri mbili ambazo zimenyakuliwa na vyama vya upinzani kwenye uchaguzi mkuu uliofanyika Oktoba 25, mwaka huu, huku kikimpongeza rais mteule wa awamu ya tano Dk. John Pombe Magufuli kwa kutangazwa mshindi wa ngazi ya urais kwenye uchaguzi huo.

Mwenyekiti wa chama cha mapinduzi mkoa wa Mbeya, Godfrey Zambi ndiye ambaye ametoa tamko hilo kwa niaba ya kamati ya siasa ya halmashauri kuu ya CCM mkoa wa Mbeya.

Baadhi ya makada wa CCM wamesema kuwa ushindi wa Dk. Magufuri ni ushindi wa watanzania wote kwa kuwa ni mtu mwadilifu na mwenye uwezo wa kuwaletea wananchi maendeleo kutokana na tabia yake ya kupenda kuchapa kazi.

 

Baadhi ya wananchi wamesema kuwa wanamtarajia rais Magufuri kuteua wasaidizi wake walio makini ili aweze kukidhi matarajio ya wanananchi huku pia wakitoa tahadhari kwa viongozi wazembe serikalini kuwa wajiandae kwa mabadiliko na kuanza kujituma kufanya kazi baada ya kuapishwa kwa Dk. Magufuri kuwa rais wa jamhuri ya muungano wa Tanzania.

18:36:00