AGUERO NJE YA KIKOSI CHA TAIFA, MICHUANO YA KUFUZU KOMBE LA DUNIA.

Chama cha soka nchini Argentina kimetoa taarifa kuwa mchezaji wa klabu ya Manchester City, Sergio Kun Aguero 28, atakosa michezo ya kufuzu kombe la dunia baada ya kuumia katika mchezo dhidi ya West Ham siku ya Jumapili.
Hakuna tarehe rasmi ya lini mchezaji huyu atarejea huku pia akiwa anasubiria maamuzi ya kamati maalumu ya chama cha soka nchini Uingereza FA kutokana na kitendo chake cha kumpiga kiwiko beki wa West Ham United, Winston Reid.
Argentina itacheza na Uruguay siku ya Ijumaa, kabla ya kuivaa nchi ya Venezuela tarehe 7 September.
Aidha mchezaji Lionel Messi, amekuwa akifanya mazoezi na timu yake ya Taifa ikiwa ni siku chache baada ya kutengua uamuzi wake wa kustaafu aliouchukua baada ya kupoteza mchezo wa fainali dhidi ya Chile.
Argentina wapo nafasi ya tatu mpaka sasa kwenye orodha au msimamo wa kufuzu wa Amerika ya Kusini.

21:56:00