Breaking news: Watu zaidi ya 20 waliokuwa wakisafiri na Hiace ya kwenda Ulete Iringa vijijini, wamehofiwa kufa baada ya Hiace hiyo kugongwa na lori na kufunikwa

Daladala baada ya kupata ajali.

Lori la mizigo lililosababisha ajali baada ya kupata hitilafu kwenye mfumo wa breki

Ajali mbaya imetokea leo jioni eneo la Tanangozi mkoani Iringa ambayo imehusisha gari dogo la abiria (Daladala) na Lori la mizigo.

Katika ajali hiyo watu wengi waliokuwa katika daladala wanahofiwa kuwa wamefariki dunia.

Akitoa taarifa ya awali kuhusu ajali hiyo, Mkuu wa Mkoa wa Iringa Bi Amina Masenza amesema ajali hiyo imetokana na lori la mizigo kupata hitilafu katika mfumo wa breki hivyo kuligonga gari dogo.

Akizungumzia idadi ya waliofariki, Mkuu wa Mkoa alisema kuwa hadi sasa kuna maiti nane lakini akasema kuwa anafatilia hivyo huenda wakakuta miili zaidi ya watu waliofariki.

Mkuu wa Mkoa ametoa tahadhari kwa madereva ambao magari yao ni mabovu kuhakikisha wanayatengeneza kwanza kabla ya kuyaingiza barabarani kwani yanahatarisha maisha ya watu wengi.
.......... .