ROONEY NA FAMILIA YAKE WAENDELEA KUFURAHIA LIKIZO

Wayne Rooney ameendelea kufurahia siku chache za mwisho za likizo yake kabla ya kujiunga na Manchester United siku ya Jumatatu asubuhi kwa ajili ya kuanza mazoezi kujiandaa kwa msimu ujao.

Nahodha huyo wa England amepigwa picha akiwa na familia yake wakila maisha na kufurahia huku akiendesha speed boat.

Rooney hatakuwa nyumbani kwa muda kwasababu kikosi hicho chini ya Van Gaal kitaelekea Marekani baadae mwezi huu kukamilisha ziara kabla ya kuanza kwa msimu (pre-season tour).

Mashetani wekundu watakipiga na Club America Julai 17 kabla ya kutimkia San Jose siku nne badae.

Baada ya hapo, ratiba ya United itakuwa ngumu kwani watakipiga na mabingwa wa kombe la vilabu bingwa Ulaya klabu ya FC Barcelona na Paris Saint-Germain.

16:01:00