MANCHESTER UNITED YAENDELEA KUMKOMALIA RAMOS

Manchester United wanataka kumsajili beki wa Real Madrid Sergio Ramos kwa ajili ya kukiandaa kikosi chao kwa ajili ya msimu ujao wa ligi kuu England na pia kwa ajili ya michuano ya vilabu bingwa barani Ulaya (Uefa Champions League) ambayo kwa mara nyingine Manchester United imefuzu baada ya kuikosa michuano hiyo kwa miaka kadhaa.

Ramos, 29, alishawindwa na kocha wa zamani wa klabu hiyo Sir Alex Ferguson lakini dili hilo lilishindikana, lakini United wanaamini wataweza kumsajili nguli huyo kwa kitita cha pauni milioni 35. United chini ya Louis van Gaal inahitaji wachezaji ambao tayari wana uzoefu na kocha huyo anataka kuimarisha zaidi eneo la ulinzi wa kati pamoja na eneo la kiungo.

Haikuwa desturi ya Manchester kusajili mchezaji aliyevuka miaka 27 lakini walivunja utaratibu huo kwa kumsajili Robin van Persie, 29, kutoka Arsenal miaka mitatu iliyopita na mzee Ferguson alisema aliamua kufanya hivyo kwa ajili ya kutwaa tati la ligi kwa msimu huo.

Usajili huo (wa Van Persie) ulifanikiwa. Van Persie alifunga magoli mengi na kuisaidia United kutwaa taji la ligi lililokuwa linashikiliwa na Manchester City.

15:59:00