Hakuna klabu yoyote katika EPL Yenye magoli mengi kuzidi MSN msimu huu.

ARSENAL walifundishwa somo lingine usiku wa jana katika darasa la uwanja wa Nou Camp na FC Barcelona – waliongozwa na MSN.
Lionel Messi, Luis Suarez na Neymar kama kawaida walikuwa kwenye orodha ya wafungaji – kwa mara nyingine tena – wakati viongozi hao wa La Liga wakifanikiwa kuvuka kwenda hatua ya robo fainali ya ligi ya mabingwa wa ulaya.
Wakatalunya waliitoa Gunners kwa ushindi wa jumla wa 5-1, wajumbe wa MSN pekee ndio waliofunga magoli hayo matano – Messi akifunga matatu, Neymar 1 na Suarez 1. Kikosi cha Arsene Wenger sio timu ya kwanza kukutana na kisago kilichosimamiwa na MSN, na itakuwa sio timu ya kwanza kukumbana dhahama ya vijana hao watatu wa KiAmerika ya kusini.
Mpaka kufikia sasa MSN wameshafunga magoli 106 msimu huu, yakiwemo magoli 68 katika La Liga pekee yake.
Idadi hii ni kubwa kuliko timu yoyote katika ligi kuu ya England katika msimu huu.
Timu zinazoongoza kwa kufunga magoli mengi katika Premier League msimu huu ni  Leicester na Tottenham wakifunga magoli 53 — na kwa sasa ndio wanaongoza ligi kwa kushika nafasi ya kwanza na ya pili.

Messi, Suarez na Neymar wamefunga magoli 68 pekee yao kwenye La Liga msimu huu.

05:37:00