"UKUTA" WAPATA NYUFA MWANZA, NI BAADA YA KATIBU MKUU WA CHADEMA, JOHN NWALILE KUJITOA KWENYE CHAMA HICHO NA KUJIUNGANA CCM AKIPINGA OPERESHENI HIYO

KATIBU Mkuu wa CHADEMA mkoani Mwanza, John Nwalile (pichani), ametangaza kukihama chama hicho na kujiunga na CCM mapema leo Agosti 30, 2016.

Akitangaza uamuzi huo mbele ya waandishi wa habari, alisema sababu kubwa aliyoitaja iliyomsukuma kukihama CHADEMA, ni pamoja na kutokuwa na sababu ya msingi ya kutomuunga mkono Rais John Pombe Magufuli katika jitihada zake za kujenga misingi mipya ya nchi ikiwa ni pamoja na kupambana na wala rushwa na kuimarisha uwajibikaji miongoni mwa watumishi wa umma.

Pia Nwalile amesema, sababu nyingine ni kupinga mpango wa Operesheni UKUTA iliyotangazwa nchinzima na Kamati Kuu ya CHADEMA ambayo imepangwa kuanza Septemba Mosi mwaka huu 2016.

Ikiwa imebaki siku moja tu kuanza kwa operesheni hiyo, kujitoa kwa kiongozi huyu wa juu kabisa wa CHADEMA kwenye mkoa wenye ushawishi mkubwa kisiasa hapa nchini ni pigo kubwa kwa chama hicho katika mkakati wake mpya wa UKUTA.