NJia 5 Za kukuza/Kutunza Nywele Zako(Natural Hair)

Watu wengi wamekuwa wakiniuliza kuhusu siku ambayo nitaongelea mada ya leo. Pengine ni kutokana na uzoefu nilionao kutokana na kuwa na salon & beauty spa na hivyo kuwa nimeshakutana na watu wengi wenye aina mbalimbali za nywele nk.
Ukweli ni kwamba nina uzoefu. Ukiachilia mbali kuwa na salon & beauty spa, mimi mwenyewe nipo “obsessed” na nywele zangu. Naweza kusema nimeshakuwa na nywele za kila aina.Kuanzia weaving,braids,wigs, relaxer nk. Kitu ambacho nilikuwa sijawahi kukifanya (at least tangu nilipokuwa msichana) ni kuziacha natural.
Mwaka juzi niliamua kuzipunguza (kuzikata) na kubakia natural. Ni kitu ambacho namshauri kila mtu ajaribu kukipitia. Najua wengi wetu mnaogopa. Lakini siku hizi ukiangalia kundi la wanawake 10 utakuta 9 wametumia extensions. Kwa hiyo nywele zao halisi (natural hair) zinaweza kuwa ndani na zikawa poa tu.
Kabla sijaanza kuzungumzia mahitaji ya nywele, ni muhimu kujua una aina gani za nywele. Ukijua utaweza kumudu vizuri zaidi mahitaji ya nywele zako. Aina za nywele tofauti zina mahitaji tofauti. Kuna ambazo zinahitaji kupakwa mafuta kila siku na kuna ambazo hazihitaji. Kuna ambazo zinahitaji “treatment” mara kwa mara. Kuna ambazo zinaweza kudumu kwa muda mrefu kabla ya kuhitaji kazi ya ziada.
Leo nitaanza kwanza na aina za nywele kwa juu juu tu bila kuingia ndani sana. Kuna siku nitaandika kwa undani zaidi kuhusu aina za nywele.

Picha hiyo hapo juu inaweza kukusaidia kujua aina za nywele ulizonazo. Njia nyepesi ya kujua aina ya nywele ulizonazo ni zikiwa zimeloa(wet). Zinapoanza kujikunja ndipo utajua aina za nywele ulizonazo. Picha ya chini (flat ironed) inaonyesha nywele zako zikiwa zimewekwa relaxer.
Kama nilivyogusia hapo juu, nilipoamua kuacha nywele zangu kuwa natural, kuna feeling fulani ambayo hata siwezi kuielezea. Unahisi kuwa huru kuliko kawaida. Ila usidhani ilikuwa rahisi kukubali kujaribu natural hair. Lakini baada ya kujaribu sijui kama naweza kurudi nyuma. Nikitamani relaxer, nina wigs za kila aina. Nazivaa kutegemea na mood.
Kama kichwa cha habari kinavyosema, sasa nianze kuongelea utunzaji wa nywele. Hizi hapa ni hatua ambazo mimi binafsi nazitumia ili kukuza na kutunza nywele.
Kuosha nywele.
Jambo la kwanza muhimu ni kuosha nywele zako kwa kutumia shampoo nzuri. Hapa nitazungumzia kidogo salons. Salon nyingi hawatumii shampoo zinazotakiwa kwenye nywele. Nyingine hata sio shampoo kabisa. Au kama ni shampoo zingine huwa zimechanganywa na maji (we’all know why,right?). Ushauri wangu; kama unaweza nenda na shampoo yako. Kama huwezi kwenda na shampoo yako jaribu kumuuliza hair dresser wako anatumia shampoo gani kisha i-google au itafute na kuichunguza kwanza. (Sorry Salon Owners)
Kusafisha nywele kunasaidia ngozi yako ya kichwa kupata hewa na pia kuzipa nafasi nywele kuota au kukua. Ingawa wataalamu mbalimbali wa nywele wanatofautiana kuhusu mara ngapi uoshe nywele zako, wengi wanakubaliana kwamba nywele zinatakiwa kuoshwa mara mbili kwa wiki -na co- wash na mara mbili kwa mwezi kwa  shampoo.
Mimi kwa mapenzi yangu ya kuosha nywele hususani sasa na nywele natural, huziosha mara mbili kwa wiki na co wash na mara moja kwa mwezi na shampoo. Co-wash na shampoo wash zina tofauti gani? Tofauti ni kwamba tunaposema co-wash ni kuosha nywele zako kwa kutumia Conditioner tu bila shampoo. Shampoo wash ni kutumia shampoo ambayo ni sabuni.
Shampoo nyingi zina kitu kinaitwa sulfate. Kuna wengine inawakata sana nywele. Kwa hiyo utaona kwamba ingawa shampoo inatakatisha nywele/kichwa vizuri zaidi, ina madhara yake. Ndio maana inashauriwa kuosha kwa Co-wash zaidi hususani kwa watu wenye natural hair.
Nilipoanza kuacha nywele zangu kuwa natural, zilikuwa zinakatika (breakout) na hazikuwa healthy kama sasa.  Nilitumia Carol’s Daughter products ambazo zilinisaidia.
Kila majira ya joto nazitumia tena(Mara nyingi nywele zangu zikipoteza muelekeo nakimbilia hizi products.)

Shop Our Monoi Repairing Collection

Lakini kuna aina nyingi za shampoo na Co- wash  nimetumia na naamini ni nzuri sana

Kwenye picha nimekuwekea aina 4 ambazo nimetumia na naweza kuhakikisha ni nzuri. Mbili  za mwanzo ni  shampoo, na mbili za mwisho ni  Co-wash. Unaweza pata hizi products kwenye maduka ya urembo au unaweza ingia amazon ku order online.

Conditioning 

Conditioning ni muhimu sana wakati wowote unapoosha nywele. Hata unapofanya co-wash, lazima utumie deep conditioning. Hii inafanya nywele zako zisikakamae au kuwa kavu kupita kiasi. Pia inasaidia kuzifanya nywele kuwa na nguvu na hivyo kupunguza kukatika.

Pia ni muhimu sana kwa wale wanaopaka nywele rangi au wanaotumia moto (dryer). Mimi mara nyingi nafanya deeep conditioning angalau mara moja kwa mwezi. Hata hivyo,natumia conditioner/conditioning kila nikiosha nywele.

Hizi mbili ndizo ninazozitumia zaidi. Cholestrol kila nikiosha na co-wash na Shea Moisture kila nikitumia shampoo.(nafanya treatment) Siri kubwa sana kuhusu conditioning nywele zako ni leave- in- conditioner. Hiki ni kitu wengi sana wanasahau, na wanafikiria labda kwasababu wanapaka tu wanapomaliza kuosha nywele inatosha.

ukitaka kuwa na nywele ambazo zinaweza kuwa balanced na kuzimudu, ni leave in conditioner. Utaona tofauti kati ya nywele inayotumia leave in conditioner na ambayo haitumii hususani wakati wa joto.

Nunua yako ambayo uwe unaweka kila asubuhi ukiamka kabla hujaweka kitu chochote kichwani , baada ya week utaona tofauti za nywele zako. Hii ndio ninayotumia kwa sasa. Zipo nyingine nyingi.

NEW ALMOND MILK LEAVE-IN CONDITIONER

Chache kati ya ambazo nimetumia na ni nzuri.

Detangle/Kuziachanisha Au Kuzichana

Kwa nywele zetu sisi, lazima uzichambue/kuzichana. Zina tabia ya kujikusanya pamoja. Muhimu ni kujua aina ya nywele ulizonazo. Ila kuwa makini kidogo; wakati unazi-detangle nywele zako hakikisha sio kavu ili zisikatike.

Kwa uzoefu wangu, fanya hivyo baada ya kuweka conditioner(mara moja kwa wiki). Tumia vidole badala ya chanuo. Wakati mwingine huwa naacha ile natural curl ya nywele zangu. Hapo utajua pia afya au ubora wa nywele zako.

Mbali ya vidole vifaa hivi vinaweza kusaidia. Lakini lazima ujue aina ya nywele zako kujua ipi inakufaa zaidi.

Moisturizer/Vilainishi Vya Nywele

Hakikisha unatumia moisturizer kila siku. Mimi nafanya kila siku kwasababu nywele zangu ni kavu. Wengine hawafanyi kila siku. Inategemea na aina za nywele ulizonazo. Wakati wa kuweka moisturizer,hakikisha unapaka kila mahali haswa kwenye ncha za nywele zako(split ends). Mara nyingi huwa tunazisahau zile za juu. Badala yake wengi tunapaka zaidi kwenye ngozi ya kichwa tu. Ndio maana huwa inasisitizwa kuzikata zile split ends kwa sababu huwa zimekauka na dhaifu.

Mimi hupenda ku-moisturize nywele zangu usiku wakati nakwenda kulala. Naamini usiku ndio wakati kila kitu kinafanya kazi. Hii Almond Milk ya Carol’s Daughter ndio hutumia.  Lakini kuna Moisturizer ambazo natumia mara kwa mara nazo ni  Shear Moisture Curl&Style, T44z na Mizani moisture infusion

Hizi products unaweza zipata kwenye maduka ya nywele, au kama wewe ni wa on line angalia Ebay.  Kwa Tanzania T444 zinapatikana 8020fashion 

OILS/MAFUTA

Kuna aina nyingi za mafuta ya nywele. Kila mmoja anadai kwamba yake ndio bora zaidi. Ushauri ninaoweza kukupa hapa ni kwamba kwa sababu nywele zina tabia ya kubadilika(kuna sababu nyingi) huna budi kutumia mafuta kwendana na aina ya nywele zako na pia majira/hali ya hewa.

Ukitembea kwenye maduka ya vitu vya nywele utaona aina mbalimbali za mafuta na maelezo kuhusu yanachosaidia nk. Kwa upande wangu natumia zaidi Black Castrol, Jojoba Oil na Argan Oil. Nazibadilisha tu kutokana na matakwa ya nywele.

Kuna aina nyingi ya haya mafuta, hakikisha tu hayajachakachuliwa.

Kutunza nywele yako kuna mengi sana ya kujifunza.Kwa leo ntaishia hapa. Siku za karibuni nitaandika zaidi. Natumaini itamsaidia mtu hususani wale ambao wanaingia kwenye natural hair kutoka kwenye ulimwengu wa nywele za dawa,relaxers nk.

Hata hivyo hatua hizi unaweza kuzifuata hata kama umeweka nywele zako dawa. Kwa wale mlioweka dawa,msikose hata mara moja kuacha treatment,conditioner na moisturizer

00:09:00