CHELSEA NA ZAWADI YA KRISMASI.

Crystal Palace 0-1 Chelsea

Klabu ya Chelsea imewapa mashabiki wake zawadi ya Krismasi baada ya kuichapa Crystal Palace kwa goli moja kwa bila, goli lililofungwa na Diego Costa likiwa ni goli lake la 13 msimu huu na pia goli lake la 50 ndani ya michezo 97 akiwa na jezi za Chelsea.

YALIYOTUKIA:

1. Chelsea wafikia rekodi yao waliyoweka Septemba 2009 kwa kushinda michezo 11 mfululizo na wakati huo huo kocha wa Chelsea Antonio Conte amekuwa kocha wa kwanza kushinda michezo 14 kati ya michezo yake 17 YA KWANZA ndani ya ligi ya primia. Mchezo unaofwata Costa na Kante wamesimamishwa hivyo watakosekana dhidi ya Bournemouth, JARIBIO LA PILI KWA CONTE LINAKUJA.

2. Achana na ushindi wenyewe wa Chelsea, namna ambavyo klabu hiyo inakaba ndiyo unaweza kusema ni silaha kubwa inayoipa Chelsea ushindi hata wakiwa hawachezi vizuri. Kante na Azpilicueta pamoja na eneo zima la ulinzi ni mashujaa wasioimbwa ndani ya The Blues lakini shughuli yao uwanjani inakufanya uwe na uhakika kwamba hata kwa goli moja Chelsea inaweza kuibuka na ushindi. MICHEZO 11 MFULULIZO KUSHINDA NA BILA NYAVU KUTIKISWA MARA TISA SIO JAMBO DOGO.

3. Crystal Palace wamepoteza mchezo wa pili nyumbani baada ya kuchapwa na Manchester United na leo Chelsea, presha kubwa ipo kwa Meneja Alan Pardew ambaye mpaka sasa timu yake ina alama 15 tu ikiwa ni tofauti ya alama tatu na ukanda wa kushuka daraja ndani ya msimamo wa ligi ya primia.

21:13:00