MAFINGA, IRINGA: Watu 3 wamefariki dunia na wengine 13 wamejeruhiwa baada ya basi la kampuni ya Ngasamo Express kupata ajali usiku wa kuamkia leo

BAADA ya ajali iliyotokea jana majira ya saa 11.45 jioni eneo la Tanangozi kwa lori kuligonga gari dogo aina ya Hiace iliyokuwa ikifanya safari zake kati ya stendi kuu ya Iringa mjini na Ulete na kusababisha vifo vya watu 9 papo hapo na wengine 18 kujeruhiwa ,ajali nyingine imetokea majira ya saa 5 usiku wa kuamkia leo katika eneo la Kinyanambo C mjini Mafinga wilaya ya Mufindi mkoani hapa kwa basi la kampuni ya Ngasamo Express kuacha njia na kupinduka na kupelekea abiria watatu kufa papo hapo na wengine 13 kujeruhiwa.

Kamanda wa polisi wa mkoa wa Iringa (RPC)Julius Mjengi amesema kuwa chanzo cha ajali hiyo ni dereva wa basi hilo lililokuwa likitoka Mwanza kuelekea Mbeya kushindwa kulimudu gari hilo hivyo kupelekea gari hilo kuhama njia na kupinduka.

Alisema kuwa basi hilo lilikuwa likiendeshwa na Amos Yoyo na kuwa majeruhi wote wa ajali hiyo wamelazwa katika Hospitali ya wilaya ya Mufindi iliyopo mjini Mafinga na miili ya marehemu imehifadhiwa katika chumba cha kuhifadhi maiti Hospitalini hapo.

Chanzo: Clouds Media Live

15:56:00