Kila mwaka klabu ya Simba
huwa na utamaduni wa kufanya tamasha la kutambulisha jezi, wachezaji na
mipango mingine ya klabu hiyo.Tamasha hilo linalojulikana kama Simba Day kwa mwaka huu haitakuwa Simba Day bali ni wiki ya Simba. Mabadiliko hayo yametokana na maboresho kadhaa ambayo yamefanywa na uongozi.
Uzinduzi huo utafanyika siku ya Jumamosi August 1 katikati ya jiji la Dar Es Salaam saa 4:30, kwa mujibu wa mkuu wa idara ya habari ya Simba, Haji Manara amethibitisha kufanyika kwa mambo mbalimbali ikiwemo uzinduzi wa maduka yatakayouza jezi za Simba na mabegi.
Manara amethibitisha kuwepo kwa maduka ya bidhaa za klabu sehemu mbalimbali ikiwemo Mlimani City, huku kilele cha Wiki ya Simba itakuwa August 8 Uwanja wa Taifa Dar Es Salaam kwa Simba kucheza mchezo wa kirafiki na klabu ya FC Leopard ya Kenya. Hata hivyo Manara amekanusha madai yanayosambaa kuwa mshambuliaji wa kimataifa wa Burundi Laudit Mavugo hatokuja Simba.
“Mavugo nimeona kwenye gazeti nimesikitishwa sana, wiki iliyokwisha gazeti hilohilo liliandika Okwi
anarejea Msimbazi hata chezea tena klabu yake ya Denmark wakaandika
bila kuweka source bila kubalance story nawahakikishia Mavugo siku ya
tarehe 8 August atacheza mechi ya Simba day “>>> Haji Manara
0 comments:
Post a Comment