PENATI YA NYINGI AMBAZO HAZIWEZI KUSAHAULIKA

Kuna beki wa Man City anaitwa Lescott, huyu jamaa ana kovu ambalo
alilipata akiwa na mdogo sana kutokana na ajali, inawezekana kovu
likakufanya usisahau tukio husika, pia katika soka inawezekana
mchezaji akapata kovu la moyoni ambalo pengine anaweza asilisahau hadi
pale mapigo ya moyo yatakaposimama…. leo ukurasa huu unakuletea
penati ambazo ni vigumu kuzisahau kwa wachezaji husika na sisi
mashabiki pia, karibu sana….

Roberto Baggio v Brazili {1994}….. Inawezekana hata mke wake akifa
ghafla leo, jamaa hapo baadae atasahau kiurahisi!!! ila kamwe hawezi
kusahau pale ambapo aliiongoza timu yake ya taifa ya “Azuri” Kufika
fainali ya kombe la dunia nchini Marekani, huku akifunga magoli 5
katika michuano, Baggio alikosa penati katika fainali dhidi ya Brazil
kutokana na presha ya mashabiki lukuki waliokuwa wanamuangalia,
naamini penati hii utaiona kwenye DaudaTv….
Asamoah Gyan v Uruguay {2010}….. Licha ya kwamba kwa sasa analipwa
pesa nyingi kwa sasa pale China, achilia mbali zile alizokusanya pale
Uarabuni na Ulaya…!!! hata umpe Pesa zimejaa Ziwa Victoria, kuna
kitu kimoja Asamoah hawezi kusahau, sio kingine bali ni alipokosa
penati dakika za jioni kabisa na kukatisha ndoto za mamilioni ya
Waafrika kuona timu ya kwanza ya kiafrika ikitia maguu nusu fainali…
ni “Moment” ambayo sio Gyan pekee hawezi kusahau bali karibu bara zima
la Afrika, usikose kupitia DaudaTv kutazama penati hii.
John Terry v Manchester United {2008}….. Inawezekana huyu jamaa pia
hawezi kuusahau usiku wa pale Moscow ambapo mvua ilikuwa inanyesha,
Terry aliteleza wakati anapiga penati na kuwapa faida Man U kutawaza
mabingwa wa ulaya. Ni vigumu kusahau kwakuwa Chelsea kwa kipindi hiki
walikuwa hawajawahi kuchukua ubingwa huu, japokuwa 2012 Terry
alinyanyua “Ndoo” pale Munich ila hawezi kuusahau usiku wa pale
Moscow, usikose kutazama DaudaTv kuona penati hii.
David Beckham v Portugal {2004}…….  Ilikua michuano ya Euro, jamaa
alipiga mnazi kwenye mechi ya robo fainali na kuwafanya Ureno kusonga
mbele kwa penati 6-5, ni vigumu sana kwa David kusahau kwani mapema
kabisa kwenye mashindani alishakosa penati kabla ya mechi hii, usikose
kutazama DaudaTv kujikumbusha tukio hili ambalo naamini bado linaumiza
kichwa Beckham.
Neymar v Colombia {2012}…. Bila shaka kuna “Moment” zingine kwenye
soka ambazo ukiziangalia kama wewe ni binadamu mwenye Bandama, basi
lazima utacha tuu, tena sio kucheka bali “kufa-mbavu” kabisa, Neymar
akiwa amefuga nywele zake, alianza kuruka ruka kwa mbwembwe huku
akimuangalia Ospina, japokuwa ilikuwa mechi ya kirafiki, Neymar
alipiga “mnazi”…. Inawezekana katika maisha yake, penati hii hawezi
kuisahau licha ya kwamba Brazil haikupoteza katika mchezo huo, usikose
kutazama DaudaTv.
Amir Sayoud v Kima Aswan {2011}…. Inawezekana hii ndio penati mbovu
kabisa kuwahi kutokea tangu soka lianzishwe, licha ya kwamba Al-Ahly
walikuwa waongoza magoli 4, Amir alipewa kupiga penati, kwa mikogo
jamaa akafanya kama kutisha, kilichotokea sasa…. fanya kutazama
DaudaTv.
Robert Pires v Manchester City {2006}…… Naamini lazima
“utakufa-mbavu” ukitazama penati hii, kwanza Pires alipiga penati
mbili kwenye mechi hii,  Ya kwanza alipiga vizuri na kuiandikia
Arsenal goli la 500 pale Highbury, ila ya pili sasa ndio hawezi
kuisahau, inawezekana alitaka kumuiga Johan Cruyff alichokifanya
1982!!! Lengo lake lilikuwa ni kumpa pasi Henry ambaye tayari alikuwa
kwenye box mara baada ya kipenga kupigwa, looohh!!! alichokifanya
naamini hata yeye akiangalia hiyo “Video Clips” hawezi kuamini kama
ndio yeye, kwa sisi watazamaji hadi kesho tunazidi kucheka maana
hatuna namna.

07:24:00