HANS POPPE: MAGULI ALIACHWA NA KOCHA SIYO UONGOZI

Mwenyekiti wa Kamati ya usajili ya klabu ya Simba Zacharia Hans Poppe (kulia) akijadili jambo na kocha wa viungo wa klabu hiyo

Na Hemed Kivuyo

MWENYEKITI wa kamati ya usajili ya timu ya soka ya Simba Zacharia Hans Poppe amesema kuwa uongozi wa timu hiyo haupaswi kulaumiwa  baada ya kufungwa kwa 1-0 na Tanzania Prisons ya Mbeya na hata kuachwa kwa Mchezaji Elius Maguli uongozi hauhusiki.

Akiongea na Mwandishi wa Habari hii Poppe amesema kuwa mara kadhaa timu inapofanya vibaya ama kupoteza mchezo hata mmoja ndipo maswali yanakuwa mengi na wengie hutupia shutuma viongozi jambo ambalo alidai si sahihi.

Kuhusu usajili Kiongozi huyo amedai kuwa  yeye ndiyo Mwenyekiti wa Kamati ya Usajili na huwa hasajili bila kupokea mapendekezo  ama kupewa majina ya wachezaji wanaotakiwa  kutoka kwa  benchi la ufundi la kamati inayohusika.

Ameongeza kuwa  suala la timu kufanya vibaya ama kupoteza mchezo mmoja  ama miwili litazamwe kwa mapana  hasa wahusika ambao ni waalimu lakini viongozi walishafanya kazi yao ambayo nikusajili wachezaji waliyotakiwa na sasa imebaki kazi ya waalimu ndani ya uwanja.

“Sisi kama viongozi na mimi nikiwemo huwa hatusajili tu kwa kukurupuka, huwa tunasubiri majina ama mapendekezo ya  wahusika ambao ndiyo wataalam wa soka na tunafanya hivyo, hutokea mara chache tunashindwa kutimiza matakwa yao lakini kwa 98% tunatimiza kuwapa wachezaji wanaowataka”, Alisema Hanspope.

Kuhusu kuachwa kwa mshambulizi Elius Maguli ambaye kwasasa anaichezea Stand ya Shinganya na kuwa na mabao nane,Poppe amedai kuwa kuachwa kwa mchezaji huyo kulitokana na mapendekezo ya kocha na ni vyema akaulizwa  mwalimu.

“Hili jambo la kusema uongozi ulifanya makosa kuamuacha Maguli sijui linatoka wapi, hivi sisi viongozi tuna taaluma gani ya ukocha mpaka tumuache fulani au tumsajili fulani bila kuelezwa!! Wakati mwingine tunatoa maoni tu kwa uzoefu lakini kuachwa kwa Maguli hebu kamuulize kocha sasaivi”, llisema Poppe kwa ukali.

23:17:00