Watu 4 wamefariki dunia kufuatia mvua zilizonyesha kwa siku mbili mfululizo Kilimanjaro.

 
Watu wanne wamefariki na wengine wawili wamelazwa katika kituo cha afya cha kifula wilayani Mwanga mkoani Kilimanjaro kutokana na mvua kubwa iliyonyesha kwa siku mbili mfululizo katika wilaya hiyo  juzi na jana na kusababisha mafuriko na mmomonyoko wa miamba.

Mkuu wa wilaya hiyo Bw Shayibu Ndemanga amesema, watu wawili waliokuwa wamepakia bodaboda walisombwa na maji katika daraja la mto Makokoro walipokuwa wakivuka ambapo kamati ya ulinzi na usalama pamoja na kushiriki usafi lakini walikwenda kutafuta miili ya marehemu kando ya mto huo bila mafanikio.

 

Bw Ndemanga ameiambia ITV kuwa watu wengine wawili walifariki baada ya kusombwa na maji na kutumbukia bwawa la nyumba na mtoto kuangukiwa na miamba ya mawe kwenye nyumba aliyokuwa amelala  katika kijiji cha Vuaga na wengine wawili kulazwa kituo cha afya cha Kifula tarafa ya Ugweno.

 

Mkazi wa mji wa Mwanga Bw Kajiru Mfanga ameiomba serikali ijenge daraja kubwa katika mto huo na kuongeza idadi ya makaravati ambayo yatasaidia kudhibiti wingi wa maji yanayotiririka kutoka milima ya Usangi na Ugweni.

 

Mkurugenzi mtendaji wa halmashauri ya wilaya hiyo Bw Jamhuri William amesema, wakati wanashiriki katika zoezi la usafi na wafanyakazi wa ofisi yake na mkuu wa wilaya kutekeleza agizo la rais John Pombe Magufuli watu kumi walitiwa mbaroni kwa kupuuza agizo hilo

21:27:00