CCM yasema kuteuliwa kwa Magufuli kwa nafasi ya urais si wa bahati mbaya bali nikusudi lao.

Chama cha mapinduzi CCM kimesema kuteuliwa kwa Dr John Pombe Magufuli kuwania nafasi ya urais wa chama hicho si wa bahati mbaya bali ni makusudi na lengo la chama hicho kutafuta kiongozi atakayekirejesha hadhi ya CCM katika misingi yake lakini pia kuondoa mifumo ya kinyonyaji na isiyo ya kiuadilifu kwa wanyonge iliyojengeka miongoni mwa baadhi ya viongozi serikalini.

Kauli hiyo imetolewa na mmoja wa wajumbe 32 wa kamati ya kampeni ya CCM Dr Emmanuel Nchimbi ambaye kwanza anakanusha habari za kutaka kukihama chama cha mapinduzi na kuongeza kuwa kuteuliwa kwa Dr Magufuli na CCM kuwani urais si kwa bahati mbaya.

Mgombea urais wa chama hicho Dr John Pombe Magufuli akizungumza na halaiki ya wakazi wa mji wa Moshi na viunga vyake ameendelea kusisitiza kauli yake ya kuwataka watendaji wanaohusika na suala la ugavi wa umeme Tanesco kuondoa tatizo la kukatika katika kwa nishati ya umeme ambalo limekuwa kero kwa watanzania.

Pia Dr Magufuli amewaeleza watanzania namna ilivyo vigumu kujitolea kupambana na ufisadi na kwamba kufanya kwake hivyo ni sadaka kwa watanzania katika kuondoa mifumo kandamizi kwa baadhi ya viongozi wa chama na serikali.

Dr Magufuli amefanya mikutano ya hadhara katika maeneo ya Usa river mkoani Arusha, Siha, Hai na Moshi mjini ambapo ameungwa mkono na mamia ya wananchi wa kada mbalimbali huku akifananishwa na sokoine huku aliyekuwa katibu wa Chadema wilani Hai akikihama chama hicho na kujiunga na CCM.